7 июли соли 2017 дар Бонки миллии Тоҷикистон мулоқоти кории масъулини Департаменти мониторинги молиявӣ бо намояндагони Вазорати маориф ва илм, Вазорати меҳнат, муҳоҷират ва шуғли аҳолӣ, Вазорати рушди иқтисод ва савдо, Вазорати молия ва Федератсияи иттифоқҳои касабаи мустақил оид ба омода намудани Стандарти давлатии таълими ихтисоси “Бехатарии иқтисодӣ” баргузор гардид.

Зимни мулоқот масъалаи такмил додани самти муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм (МҚД/МТ), аз ҷумла бо мутахассисони соҳа таъмин намудани низоми молиявии мамлакат баррасӣ карда шуд. Зикр гардид, ки бо мақсади пурзӯр ва самаранок намудани фаъолият дар самти муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм (МҚД/МТ) Бонки миллии Тоҷикистон тасмим гирифтааст, стандарти касбии “Бехатарии иқтисодӣ” – ро дар макотиби олии Ҷумҳурии Тоҷикистон дар ҳамкорӣ бо вазорату идораҳои дахлдор ворид намояд.

Дар рафти вохӯрӣ намояндагони вазорату идораҳои дахлдор бо мутахассисони Департаменти мониторинги молиявӣ масъалаҳои татбиқ намудани Стандарти давлатии таълими ихтисоси “Бехатарии иқтисодӣ”-ро мавриди муҳокима қарор дода, барои муайян намудани қадамҳои минбаъда дар ин самт нақшагузорӣ карданд.

Департаменти мониторинги молиявӣ