Баргузории нахустин Форум ва Намоишгоҳи байналмилалии сайёҳии «Тоҷикистон-2019», дар ҳолест, ки се соли оянда-солҳои 2019-2021 дар Чумҳурии Тоҷикистон аз ҷониби Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон “Солҳои рушди деҳот, сайёҳӣ ва ҳунарҳои мардумӣ” эълон гардидааст.
Дар шаҳри Душанбе Иштирокчиёни нахустин Форум ва Намоишгоҳи байналмилалии сайёҳии «Тоҷикистон -2019», аз намоиши имкониятҳои сайёҳӣ ва ҳунармандӣ, ки дар боғи «Куруши Кабир»-и шаҳри Душанбе, доир гардид дидан карданд. Дар Форуми байналмилалии сайёҳии «Тоҷикистон-2019» имкониятҳои сайёҳӣ ва ҳунармандӣ бо пешниҳоди маҳсулоту имкониятҳои сайёҳӣ аз ҷониби ширкатҳои сайёҳии ватанӣ ва хориҷӣ пешниҳод карда шуд.
Дар намоишгоҳ намояндагон аз дасгоҳи Президенти Ҷумҳурии Тоҷикистон сохторҳои дахлдори сайёҳӣ ва ширкатҳои сайёҳиву истеҳсолии ватаниву хориҷӣ ширкат намуда, имкониятҳои фароҳамнамудаи худро ба меҳмонон муаррифӣ карданд. Дар ин намоишгоҳ ҳамчунин ҶДММ Осишгоҳи “Баҳористон”, истироҳатгоҳи “Шоҳин” ва Маркази таълимии Бонки миллии Тоҷикистон ширкат намуда, имкониятҳои худро дар самти сайёҳӣ ба меҳмонони дохиливу хориҷӣ муаррифӣ карданд.
Дар ин намоишгоҳи имкониятҳои сайёҳӣ ва ҳунармандӣ Гӯшаи зерсохторҳои Бонки миллии Тоҷикистонро Муовинони Раиси Бонки миллии Тоҷикистон Лола Салимова ва Машрабзода Ҳамидулло муаррифӣ карда, оид ба шароити фаррохи Марказҳои таълимии Бонки миллии Тоҷикистон дар шаҳри Гулистон ва Хоруғ, истироҳатгоҳи “Шоҳин”, ҶДММ Осишгоҳи “Баҳористон” ба меҳмонон ахбори зарурӣ доданд. Гуфта шуд, ки имкониятҳои фароҳам гашта дар ин марказҳои сайёҳии Бонки миллии Тоҷикистон барои сайёҳони дохиливу хориҷӣ мувофиқ ба стандартҳои байналмилалӣ буда, сол то сол шумораи ташрифоварандагон меафзояд. Инро дида масъулон сатҳи хизматрасониву малакаи касбии кормандони марказҳои мазкурро бо баргузории семинару чорабиниҳои таълимӣ такмил медиҳанд.
Ёдовар мешавем, ки қисме аз меҳмонон-иштирокдорони Форуми байналмилалии сайёҳии «Тоҷикистон -2019», ки аз намояндагони давлатҳои гуногуни ҷаҳон, аз қабили Чин, Ҳиндустон, Фаронса, Украина, Ӯзбекистон ва Қирғизистон иборат буданд, ба минтақаи сайёҳии Варзоб ташриф оварда, аз инфрасохтори сайёҳии ин минтақаи сайёҳии Тоҷикистон, ба монанди «Кохи Малика» ва Осоишгоҳи «Хоҷа Обигарм» дидан намуданд. Меҳмонон баъди бозгашт аз минтақаи сайёҳии Варзоб аз имкониятҳои сайёҳӣ ва бузургтарин марказҳои фарҳангии пойтахти Ҷумҳурии Тоҷикистон –шаҳри Душанбе –«Кохи Наврӯз», «Осорхонаи миллии Тоҷикистон», «Боғи Парчами Тоҷикистон» боздид намуда, бо тамаддун ва фарҳанги бостонии тоҷикон, ки таърихи куҳан дорад, шинос гардиданд.
Баргузории нахустин Форум ва Намоишгоҳи байналмилалии сайёҳии «Тоҷикистон-2019», дар ҳолест, ки се соли оянда-солҳои 2019-2021 дар Чумҳурии Тоҷикистон аз ҷониби Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон “Солҳои рушди деҳот, сайёҳӣ ва ҳунарҳои мардумӣ” эълон гардидааст.
Шуъбаи матбуот