Маълумот барои довталабон

Бонки миллии Тоҷикистон бо мақсади рушди минбаъдаи низоми миллии муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом (МҚД/МТ/МПСҚО) ва баҳри омода намудани мутахассисони ватанӣ дар самти МҚД/МТ/МПСҚО дар макотибҳои олии Федератсияи Русия қайд менамояд, ки айни замон марҳилаи навбатии қабули довталабон аз Ҷумҳурии Тоҷикистон барои таҳсил дар макотибҳои олии Федератсияи Русия барои солҳои 2020-2021 оғоз гардидааст.

Бояд гуфт, ки макотибҳои олии ин кишвар узвҳои комилҳуқуқи Донишкадаи байналмилалии шабакавӣ дар самти МҚД/МТ мебошанд. Вобаста ба ин, дар сурати ҳавасмандӣ ба таҳсилот дар макотибҳои олии Федератсияи Русия, аз ҷумла дар муассисаҳои таълимии узвҳои Донишкадаи шабакавӣ дар самти МҚД/МТ, довталабон бояд марҳилаҳои зеринро иҷро намоянд:

1.     Барномаи мувофиқашавандаи худро аз буклети Донишкадаи байналмилалии шабакавӣ дар самти МҚД/МТ ё аз Номгӯи самтҳои таҳсил дар макотибҳои олии Донишкадаи байналмилалии шабакавӣ барои солҳои 2020/2021 интихоб намояд.

2.     Ҳуҷҷатҳои худро (нусхаи шиноснома, ҳуҷҷатҳои таҳсилотӣ-диплом ё аттестат) ҳатман ба суроғаи электронии Департаменти мониторинги молиявии назди Бонки миллии Тоҷикистон “dmm@nbt.tj” бо дарҷи донишгоҳ, ихтисоси интихобгардида ва маълумот барои тамос, инчунин дар мавзӯи почта калимаи “Абитуриент_РФ_2020/2021” – ро қайд намуда, ирсол намоед.

3.     Ҷавобро интизор шавед.

Ҳамзамон, довталабон метавонанд маълумоти иловагиро (брошюраи Донишкадаи шабакавӣ дар самти МҚД/МТ ва дигар мавод) аз саҳифаи иттилоотии Департаменти мониторинги молиявии назди Бонки миллии Тоҷикистон (банди Маркази омӯзишӣ - методии Департамент) бо истифода аз ин истинод “http://www.nbt.tj/tj/financial_monitoring/media_center/baroi-dovtalabon/malumot_oidi_barnoma.php”, дарёфт кунанд.

Телефон барои тамос: (+992) 44-600-15-17; (+992) 44-600-36-87.