Низоми пардохти Юнистрим тарифи интиқолҳои пулиро ба Тоҷикистон ба андозаи 40% коҳиш дод

Дар ин айёми душвор Ҷамъияти саҳомии Бонки тиҷоратии “Юнистрим” - оператори низоми пардохти ЮНИСТРИМ тасмим гирифт муштариёни худро дар Тоҷикистон дастгирӣ намояд ва тарифи интиқолҳои пулии то 30 000 рубли русиро аз хазинаҳои шабакаи худ ба андозаи 40% коҳиш дод.

Акнун тариф барои интиқолҳои пулӣ бо пардохти рубл танҳо 0,95%-ро ташкил медиҳад. Тарифи нав то охири моҳи августи соли 2020 амал хоҳад кард. Барои интиқолҳои пулӣ бо пардохти доллар ва евро оператори низоми пардохти Юнистрим тарифи 0%-ро нигоҳ дошт.

“Мо ба тасмими ҶС БТ “Юнистрим” - оператори низоми пардохти Юнистрим оид ба коҳиш додани тарифи худ барои шаҳрвандони мамлакати мо дар робита ба пандемияи глобалии коронавирус баҳои баланд медиҳем. Акнун муштариёни низоми пардохти Юнистрим, ҳангоми интиқоли пул ба хонаводаҳояшон метавонанд маблағҳои худро ба таври назаррас сарфа намоянд” – тавзеҳ дод, Муовини якуми Раиси Бонки миллии Тоҷикистон Ҷамолиддин Нуралиев.

“Мо ҳамеша ба ниёзмандиҳои муштариёни худ таваҷҷуҳ зоҳир мекунем ва барои осон кардани ҳамгироии муҳоҷирони меҳнатӣ дар муҳити иҷтимоию иқтисодии Русия кӯшиш ба харҷ медиҳем”, - мегӯяд, Президенти низоми интиқолҳои пулии байналмилалии Юнистрим Ксения Чернышева. Ёрӣ ба наздикон бо хизматрасонии низоми пардохти Юнистрим ҳам манфиатовар аст ва ҳам осон.

Анҷом додани интиқол бо тарифи коҳишёфта дар марказҳои худии низоми пардохти Юнистрим имконпазир аст. Дар Тоҷикистон интиқол дар бештар аз 1200 марказ, ки дар Душанбе, Хуҷанд, Бохтар, Кӯлоб, Истаравшон ва шаҳрҳои дигар ҷойгиранд, дастрас мебошад.

Ба муштариёне, ки мехоҳанд пули худро тариқи онлайн ирсол намоянд, низоми пардохти Юнистрим пешниҳод мекунад аз корти Юнистрим ва бонки мобилӣ истифода баранд. Тариф 0,9%.-ро ташкил медиҳад.

Шуъбаи матбуот