Саҳифаи асосӣ Харитаи сомона Тамос бо мо
НБТ
  • Нишондиҳандаҳои макроиқтисодӣ дар соли 2024
  • Таваррум дар моҳи феврал
    0,3%
  • 3,6%
  • Пулҳои захиравӣ (феврал) млрд. сомонӣ
    36,2
  • Нишондиҳандаи мақсадноки таваррум барои давраи миёнамуҳлат
    6% (±2)
  • Меъёрҳои фоизии сиёсати пулӣ
    (% солона)
    • Меъёри бозтамвил
      (аз 12 феврали с.2024)9,5
    • Меъёри фоизи қарзи
      шабонарӯзӣ (овернайт) - меъёри бозтамвил +3 банди фоизӣ
    • Меъёри фоизи амонати
      шабонарӯзӣ (овернайт) - меъёри бозтамвил -3 банди фоизӣ
    • Меъёри захираҳои
      ҳатмӣ бо пули миллӣ3,0
    • Меъёри захираҳои
      ҳатмӣ бо асъори хориҷӣ9,0
    • Меъёри миёнавазни коғазҳои
      қиматноки БМТ (феврал)5,08%
  • Меъёри фоизӣ дар соли 2024
  • Меъёри фоизи миёнавазни пасандозҳои муҳлатнок бо пули миллӣ (январ - феврал)
    12,57 %
  • Меъёри фоизи миёнавазни қарзҳо бо пули миллӣ (январ - феврал)
    23,06 %
  • Меъёри фоизи миёнавазни қарзҳои байнибонкӣ бо пули миллӣ (январ - феврал)
    13,00%
  • Меъёри фоизи миёнавазни қарзҳои ипотекии манзилӣ бо пули миллӣ (феврал)
    20,74%
  • Меъёри фоизи миёнавазни қарзҳои маишию истеъмолӣ бо пули миллӣ (феврал)
    23,71%




  • Нархномаи ҳаррӯзаи сабикаҳои ченакии тиллои БМТ

Сана: 29.03.2024

Ҳаҷми сабикаҳо,
гр
Нархи бозхарид,
сомонӣ
Нархи фуруш,
сомонӣ
5 3988.08 4068.64
10 7856.66 8015.38
20 15579.86 15894.60
50 38720.29 39502.52
100 77321.22 78883.26

  • Телефонҳо барои гирифтани маълумот оид ба сабикаҳо:
    44-600-32-77, 44-600-32-48

  • Тақвими ахбор
  •       Март      

    Д С Ч П Ҷ Ш Я
    26 27 28 29 1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
  • Яндекс.Метрика

Семинари омӯзишӣ оид ба мавзӯъҳои низоми бонкӣ барои намояндагони ВАО

25.06.2019

25 июни соли 2019 дар бинои Бонки миллии Тоҷикистон семинари омӯзишӣ оид ба мавзӯъҳои низоми бонкӣ барои намояндагони ВАО доир гардид.

Семинари мазкур бо ташаббуси Бонки миллии Тоҷикистон ва дар ҳамкорӣ бо Академияи ВАО Тоҷикистон ташкил гардида, ҳадаф аз баргузории он пешниҳоди маълумоти муфассал оид ба бонкдорӣ ва низоми бонкӣ барои намояндагони матбуот, телевизион ва радио мебошад.

Муовини Раиси Бонки миллии Тоҷикистон Лола Салимова нақши воситаҳои ахбори оммаи кишварро дар роҳи баланд бардоштани рушди иқтисодӣ, низоми бонкии мамлакат ва маърифати молиявии ҷомеа муҳим арзёбӣ намуд.

NBTL2439.JPG

- Саҳми васоити ахбори омма дар тарғиби пешравиҳову имкониятҳои навин, ки Бонки миллии Тоҷикистон ҷиҳати рушди низоми бонкӣ ва татбиқи мақсадҳои асосии худ дар самти нигоҳ доштани сатҳи устувории молиявӣ амалӣ менамояд, муҳим дониста мешавад. Зеро маҳз тавассути воситаҳои ахбори омма шаҳрвандони кишвар имкон пайдо мекунанд, ки иттилоъи заруриро пайдо намоянд. Аз ин лиҳоз, ҳар қадаре ки хабарнигорон мавзӯъҳои соҳавиро амиқан дарк ва мушаххас таҳлил намоянд ва дар бораи он маводҳо нависанд, ҳамон қадар шаҳрвандони кишвар оид ба низоми бонкӣ ва иқтисолиёт маълумоти дуруст ва бидуни таҳриф ба даст меоранд, - иброз намуд Лола Салимова.

NBTL2314.JPG

Баъдан Раиси Иттифоқи журналистони Тоҷикистон, директори МД “Академияи ВАО Тоҷикистон” Зинатуллоҳ Исмоилзода ба роҳбарияти Бонки миллии Тоҷикистон барои фароҳам овардани шароити мусоид ҷиҳати баргузории семинари мазкур изҳори сипос намуда, зикр кард, ки баргузории чорабинии мазкур барои баланд бардоштани донишҳои молиявии рӯзноманигорон мувофиқи мақсад хоҳад буд.

NBTL2341.JPG

- Дар шароити кунунии ҷаҳонишавӣ, тавре Пешвои миллат дар мулоқот бо намояндагони ВАО изҳор намуданд, журналистон “сипари боэътимоди ҳифзи дастовардҳои миллӣ ва манфиатҳои давлатӣ” ба ҳисоб рафта, матлабҳои нигоштаи онҳо барои ташаккули афкору андешаи солим нақши муҳим дорад. Аз ин лиҳоз, бо дарки масъулият ва фаҳмиши пурра мавриди баррасӣ қарор додани дилхоҳ мавзӯъ аз ҳар як журналист дониши васеи соҳавиро талаб менамояд. Семинари имрӯза маҳз барои баланд бардоштани донишҳои молиявӣ ва бонкдории рӯзноманигорон ташкил карда шудааст ва ман умед мекунам, ки он барои ҳар яки шумо манфиатовар хоҳад буд,- таъкид дошт Зинатуллоҳ Исмоилзода.

NBTL2383.JPG

Дар идомаи чорабинӣ, аз ҷониби кормандон ва мутахассисони Бонки миллии Тоҷикистон дар мавзӯъҳои сохтори низоми бонкӣ, сиёсати фоизӣ, қарз ва пасандоз, сиёсати пулию қарзӣ, меъёри бозтамвил, таваррум, баланд бардоштани маърифати молиявии аҳолӣ, пули миллӣ ва нишонаҳои ҳимоявии он, сиёсати қурби асъор, пардохти ғайринақдӣ - рушди омили иқтисодиёт, кеш бек, бонкинги мобилӣ ва QR код рӯнамоиҳои алоҳида манзур гардид. Оид ба мавзӯъҳои рӯнамоигардида байни мутахассисони бонк ва рӯзноманигорон муҳокимаи пурмуҳтаво сурат гирифт.

NBTL2395.JPG

Маърӯзаҳо ва рӯнамоиҳои пешниҳодгардида имкон фароҳам оварданд, ки рӯзноманигорон доир ба мавзӯъҳои гуногуни молиявӣ ва бонкдорӣ маълумоти муфассал ба даст оранд ва дар ҷараёни фаъолияти минбаъдаи худ аз он фаровон истифода баранд.

NBTL2332.JPG

Дар охири семинари омӯзишӣ зикр карда шуд, ки баргузории чунин чорабиниҳо ба манфиат буда, барои боло бардоштани дониши молиявии рӯзноманигорон ва ба василаи онҳо, ҷомеа мусоидат менамояд.

Шуъбаи матбуот


Диданд: 3198

Бозгашт


  • prezident

    Имрӯз фурсате расидааст, ки ба қадри яке аз рамзҳои давлатдорӣ – пули миллӣ бирасем, ифтихор намоем ва ба он эҳтиром гузорем.
    Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон



x
Сатҳи таваррум %
Таваррум
Таварруми аслӣ