Саҳифаи асосӣ Харитаи сомона Тамос бо мо
НБТ
  • Нишондиҳандаҳои макроиқтисодӣ дар соли 2020
  • Таваррум дар моҳи феврал
    0,4%
  • 7,8%
  • Пулҳои захиравӣ (феврал), млрд. сомонӣ
    18,8
  • Нишондиҳандаи мақсадноки таваррум барои давраи миёнамуҳлат
    6% (±2)
  • Меъёрҳои фоизии сиёсати пулӣ
    (% солона)
    • Меъёри бозтамвил
      (аз 03 феврали с.2020)12,75
    • Меъёри фоизи қарзи
      шабонарӯзӣ (овернайт) - меъёри бозтамвил +2 банди фоизӣ
    • Меъёри фоизи амонати
      шабонарӯзӣ (овернайт) - меъёри бозтамвил -2 банди фоизӣ
    • Меъёри захираҳои
      ҳатмӣ бо пули миллӣ3,0
    • Меъёри захираҳои
      ҳатмӣ бо асъори хориҷӣ9,0
    • Меъёри миёнаи коғазҳои
      қиматноки БМТ (феврал)12,20
  • Меъёри фоизӣ дар соли 2020
    (% солона)
  • Меъёри миёнавазни пасанд. муҳлат. бо пули миллӣ (январ)
    11,22
  • Меъёри миёнавазни қарзҳо бо пули миллӣ (январ)
    24,40
  • Меъёри миёнавазни қарзҳои байнибонкӣ бо пули миллӣ (январ)
    -
  • Меъёри миёнавазни қарзҳои ипотекии манзилӣ бо пули миллӣ (январ)
    21,91
  • Меъёри миёнавазни қарзҳои маишию истеъмолӣ бо пули миллӣ (январ)
    22,82




  • Нархномаи ҳаррӯзаи сабикаҳои ченакии тиллои БМТ

Сана: 31.03.2020

Ҳаҷми сабикаҳо,
гр
Нархи бозхарид,
сомонӣ
Нархи фуруш,
сомонӣ
5 2766.78 2832.86
10 5446.59 5576.66
20 10747.08 11003.74
50 26629.51 27265.47
100 53094.26 54362.24

  • Телефонҳо барои гирифтани маълумот оид ба сабикаҳо:
    44-600-32-77, 44-600-32-48

  • Тақвими ахбор
  •       Март      

    Д С Ч П Ҷ Ш Я
    24 25 26 27 28 29 1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31 1 2 3 4 5
  • Яндекс.Метрика

Модар - чароғи фурӯзони ҳар хонадон!

05.03.2020

5 марти соли 2020 дар Бонки миллии Тоҷикистон бахшида ба ҷашни Рӯзи Модар бо иштироки роҳбарият ва бонувони корманди бонк чорабинии тантанавӣ баргузор гардид.

NBTL8887.JPG

Чорабиниро Раиси Бонки миллии Тоҷикистон Ҷамшед Нурмаҳмадзода ифтитоҳ намуда, ҳамаи бонувонро ба муносибати Рӯзи Модар самимона табрику муборакбод гуфт ва ба ҳар кадоми онҳо, пеш аз ҳама саломатию хушбахтӣ, рӯзгори пурфайзу пурсаодат, хонадони ободу осуда, сарсабзию шукуфоии ҳамешагӣ ва дар маҷмӯъ, ҳамаи хушиҳои зиндагиро орзу намуд.

Ҷ.Нурмаҳмадзода иброз дошт, ки модар воқеан азизтарин шахс барои инсон, чароғи фурӯзони ҳар хонадон, нахустин мураббию муаллими фарзанд ба ҳисоб рафта, ҳамеша сазовори меҳру муҳаббат ва эҳтирому ғамхорӣ мебошад.

NBTL8853.JPG

Ҳамчунин, Ҷ.Нурмаҳмадзода зикр кард, ки бо ташаббуси Асосгузори сулҳу ваҳдати миллӣ - Пешвои миллат, Президенти мамлакат, Ҷаноби Олӣ Эмомалӣ Раҳмон ҷашни расмии давлатӣ эълон шудани Рӯзи Модар дар Тоҷикистон барои боз ҳам баланд бардоштани мақоми зан – модар дар ҷомеаи мо беш аз пеш мусоидат намуд. Пешвои муаззами миллат нисбат ба модарон ва занону бонувон таваҷҷуҳи зиёд зоҳир намуда, ин қишри ҷомеаро ҳамеша ҳамчун неруи ташаббускор, масъулиятшинос ва кордону заҳматписанд эҳтиром ва дастгирӣ мекунанд.

NBTL8867.JPG

«Имрӯз дар ҷомеаи Тоҷикистон бахше нест, ки дар он занон – модарон фаъолият надошта бошанд. Ҳоло занону модарони мо дар қатори мардон дар тамоми соҳаҳо босамар фаъолият доранд. Бовар дорем, ки занону модарон минбаъд низ бо дарки баланди масъулият дар ҳаёти сиёсию иҷтимоӣ ва фарҳангии ҷомеа фаъолона иштирок намуда, кӯшиш хоҳанд кард, ки бо азму иродаи қавӣ ва камоли кордонӣ дар пешрафту ободии Тоҷикистон саҳмгузор бошанд»,-иброз дошт Ҷ.Нурмаҳмадзода.

NBTL9039.JPG

Зимни чорабинии тантанавӣ таъкид гардид, ки дар фаъолияти бонкдории мамлакат низ нақши бонувон шоиста арзёбӣ мешавад. Аз ҷумла, имрӯз дар Бонки миллии Тоҷикистон занон дар ҳамаи зинаҳои кору роҳбарӣ мақому мартаба доранд, ки аз фаъолияти самараноки онҳо дар низоми бонкии мамлакат шаҳодат медиҳад. Инчунин, изҳори умедворӣ карда шуд, ки занону модарони мо минбаъд низ дар баробари тарбияи фарзанд, тарғиби одобу ахлоқ, арзишҳо ва дигар муқаддасоти миллӣ, ҳамчунин дар пешбурди низоми бонкдории мамлакат, боло рафтани эътимоду боварии мардуми кишвар ба низоми бонкӣ бештар саҳм хоҳанд гузошт.

NBTL8761.JPG

Бо ҳамин орзуҳои нек Ҷамшед Нурмаҳмадзода табрикоти худро ба поён расонида, бори дигар ҳамаи бонувони азизу арҷманди Бонки миллии Тоҷикистон ва дар симои онҳо тамоми занони тоҷикро ба муносибати Рӯзи Модар самимона табрик гуфта, ба онҳо бахту саодат, ободию осудагӣ ва хушҳоливу хушрӯзӣ орзу намуд.

Ҳамчунин, бо дастур ва аз номи Пешвои муаззами миллат занони собиқадори бонк, ки солҳои тӯлонӣ барои рушди низоми бонкии кишвар софдилона заҳмат кашидаанд, ба Бонки миллии Тоҷикистон даъват ва бо туҳфаҳои хотиравӣ сарфароз карда шуданд.

NBTL8749.JPG

Дар идомаи чорабинӣ чанде аз кормандони Бонки миллии Тоҷикистон ба сухан баромада, бонувони корманди бонкро бо ҷашни Рӯзи Модар табрик ва таҳният гуфтанд ва дар васфи онҳо шеърҳо қироат намуданд.

Баъдан бо фармоиши Раиси Бонки миллии Тоҷикистон заҳмати содиқонаи як гурӯҳ бонувон, ки дар Бонки миллӣ фаъолияти пурсамар анҷом доданд, бо ифтихорномаҳо қадрдонӣ карда шуданд.

Шуъбаи матбуот


Диданд: 795

Бозгашт


  • prezident

    Имрӯз фурсате расидааст, ки ба қадри яке аз рамзҳои давлатдорӣ – пули миллӣ бирасем, ифтихор намоем ва ба он эҳтиром гузорем.
    Э.Раҳмон


x
Сатҳи таваррум %
Таваррум
Таварруми аслӣ