- Нишондиҳандаҳои макроиқтисодӣ дар соли 2020
- Таваррум дар моҳи август0,2%
- 7,0%
- Пулҳои захиравӣ (август), млрд. сомонӣ19,6
- Нишондиҳандаи мақсадноки таваррум барои давраи миёнамуҳлат6% (±2)
- Меъёрҳои фоизии сиёсати пулӣ
(% солона) - Меъёри бозтамвил
(аз 03 августи с.2020)10,75 - Меъёри фоизи қарзи
шабонарӯзӣ (овернайт) - меъёри бозтамвил +2 банди фоизӣ - Меъёри фоизи амонати
шабонарӯзӣ (овернайт) - меъёри бозтамвил -2 банди фоизӣ - Меъёри захираҳои
ҳатмӣ бо пули миллӣ1,0 - Меъёри захираҳои
ҳатмӣ бо асъори хориҷӣ5,0 - Меъёри миёнавазни коғазҳои
қиматноки БМТ (август)10,11
- Меъёри фоизӣ дар соли 2020
(% солона) - Меъёри миёнавазни пасанд. муҳлат. бо пули миллӣ (янв-август)10,52
- Меъёри миёнавазни қарзҳо бо пули миллӣ (янв-август)22,64
- Меъёри миёнавазни қарзҳои байнибонкӣ бо пули миллӣ (янв-август)-
- Меъёри миёнавазни қарзҳои ипотекии манзилӣ бо пули миллӣ (август)21,41
- Меъёри миёнавазни қарзҳои маишию истеъмолӣ бо пули миллӣ (янв-август)21,36
- Қурби расмии асъор нисбат ба сомонӣ
-
дар 28.09.2020 
1 USD 10.3288 
1 EUR 12.0186 
1 RUB 0.1324
- Ҳисоботҳои молиявӣ
- Соли молиявии 2018
- Соли молиявии 2008
- Ҳисоботи молиявии солҳои гузашта
- Нархномаи ҳаррӯзаи сабикаҳои ченакии тиллои БМТ
-
Телефонҳо барои гирифтани маълумот оид ба сабикаҳо:
44-600-32-77, 44-600-32-48
- Тақвими ахбор
Шарҳи бозори кортҳои пардохтӣ
Рушди бозори кортҳои пардохтии бонкӣ дар Ҷумҳурии Тоҷикистон яке аз омилҳои муҳимтарин дар ҳалли масъалаи рушди низоми ҳисоббаробаркуниҳои ғайринақдӣ ҷиҳати коҳиш додани ҳаҷми пули нақд дар муомилот мебошад. Барои ҳалли масъалаи зикргардида, Бонки миллии Тоҷикистон дар якҷоягӣ бо ташкилотҳои қарзии молиявӣ барои вусъат додани истифодабарии кортҳои пардохтии бонкӣ дар савдои чакана ва қабули онҳо ҳангоми пардохти молу хизматрасониҳо тадбирҳои зарурӣ андешида истодааст.
Айни замон, аз ҷониби ташкилотҳои қарзии молиявии Ҷумҳурии Тоҷикистон кортҳои пардохтии Низоми пардохтии миллӣ “Корти миллӣ”, низомҳои пардохтии байналмилалии VISA ва Masterсard, кортҳои муштаракнишони (кобейҷ) низомҳои пардохтии UnionPay ва НПМ ”Корти миллӣ ва кортҳои пардохтии низомҳои дохилии ташкилотҳои қарзии молиявӣ ба муомилот бароварда шуда истодаанд.
Ҳиссаи кортҳои пардохтии низомҳои пардохтӣ дар
Ҷумҳурии Тоҷикистон
Тибқи ҳисоботи оморӣ ба санаи 01 июли соли 2020, миқдори умумии кортҳои пардохтии бонкии ба муомилот баровардашуда 2 640 ҳазор ададро ташкил доданд, ки нисбат ба санаи 01 июли соли 2019 20,8% зиёд гардидаанд. Аз ин микдор, 65,2% - кортҳои пардохтии Низоми пардохтии миллии (НПМ) “Корти миллӣ”, 11% - кортҳои пешпардохти нақлиётии “CityСard”, 6,8% кортҳои нақлиётии “CityCard-Корти миллӣ”, 6,8% - кортҳои пардохтии низомҳои дохилии ташкилотҳои қарзии молиявӣ, 6,1% - кортҳои низомҳои пардохтии байналмилалӣ (VISA, Masterсard ва UnionPay) ва 4,1% - кортҳои пардохтии муштаракнишон (UnionPay-НПМ ”Корти миллӣ) мебошанд.
Ҳиссаи кортҳои пардохтӣ дар минтақаҳои ҷумҳурӣ
Шумораи кортҳои пардохтии ба муомилот баровардашуда аз рӯи низомҳои пардохтӣ
Ҳиссаи кортҳои пардохтии баровардашудаи ташкилотҳои қарзии
Ҷумҳурии Тоҷикистон
Ҳиссаи асосии кортҳои пардохтии дар ҷумҳурӣ ба муомилот баровардашуда ин кортҳои пардохтии БДА ҶТ “Амонатбонк” мебошанд, ки 57%-и ҳаҷми умумии кортҳои пардохтии ба муомилот баровардашударо ташкил медиҳад.
Шумора ва ҳаҷми амалиётҳо тавассути кортҳои пардохтӣ
Дар давоми шаш моҳи соли 2020 дорандагони кортҳои пардохтӣ дар Ҷумҳурии Тоҷикистон ва берун аз он 32 364 ҳазор амалиёт ба маблағи умумии 9 554 млн. сомонӣ анҷом додаанд, ки нисбат ба ҳамин давраи соли 2019 шумораи амалиётҳо 24,2% ва ҳаҷми амалиётҳо 65,7% зиёд шудаанд.
Вазни қиёсии ҳаҷми амалиётҳои ғайринақдӣ дар нуқтаҳои савдо ва хизматрасонӣ дар ҳаҷми умумии амалиётҳо бо истифодаи кортҳои пардохтӣ дар давоми нимсолаи якуми соли 2020 6,3%-ро ташкил дод.
Динамикаи рушди инфрасохтори пардохтӣ барои қабул ва
хизматрасонии кортҳои пардохтӣ (адад)
Инфрасохтор барои хизматрасонии дорандагони кортҳои пардохтӣ дар ҷараёни афзуншавӣ қарор дорад. Ба ҳолати 01 июли соли 2020 шумораи терминалҳои электронӣ, ки барои анҷом додани пардохтҳои ғайринақдӣ дар муассисаҳои савдо ва хизматрасонӣ истифода мешаванд, нисбат ба ҳамин давраи соли гузашта 14,1% зиёд шуда, миқдорашон ба 3 722 адад расидааст. Инчунин дар нуқтаҳои савдо ва хизматрасонӣ аз ҷониби ташкилотҳои қарзии молиявӣ 3190 адад QR-рамзҳо насб карда шудаанд, ки нисбат ба ҳамин давраи соли гузашта 3,1 маротиба зиёд мебошанд.
Инфрасохтори пардохтӣ барои қабул ва хизматрасонии кортҳои
пардохтӣ дар минтақаҳои Ҷумҳурии Тоҷикистон
Тибқи диаграммаи овардашуда, бештари инфрасохтори хизматрасонии кортҳои пардохтӣ дар ш. Душанбе насб карда шуданд ва дар минтақаҳои кишвар нисбатан камтар тараққӣ ёфта истодаанд.
Тибқи талаботи моддаи 14 Қонуни Ҷумҳурии Тоҷикистон «Дар бораи хизматрасониҳои пардохтӣ ва низоми пардохтӣ», ва моддаи 18 Қонуни Ҷумҳурии Тоҷикистон «Дар бораи иҷозатномадиҳӣ ба баъзе намудҳои фаъолият», Бонки миллии Тоҷикистон раванди додани иҷозатномаи фаъолияти оператори низоми пардохтиро амалӣ намуда истодааст.
Бо мақсади рушди минбаъда ва такмили низоми пардохтии Ҷумҳурии Тоҷикистон, Бонки миллии Тоҷикистон барои татбиқи навовариҳо дар низоми пардохтҳои чакана ва рушди технологияҳои пардохтҳои мобилӣ шароити мусоид муҳаё намуда, дар ин самт бо тарафҳои манфиатдор ва пешниҳодкунандагони хизматрасониҳои пардохтӣ ҳамкорӣ менамояд.
