Саҳифаи асосӣ Харитаи сомона Тамос бо мо
НБТ
  • Нишондиҳандаҳои макроиқтисодӣ дар соли 2024
  • Таваррум дар моҳи феврал
    0,3%
  • 3,6%
  • Пулҳои захиравӣ (феврал) млрд. сомонӣ
    36,2
  • Нишондиҳандаи мақсадноки таваррум барои давраи миёнамуҳлат
    6% (±2)
  • Меъёрҳои фоизии сиёсати пулӣ
    (% солона)
    • Меъёри бозтамвил
      (аз 12 феврали с.2024)9,5
    • Меъёри фоизи қарзи
      шабонарӯзӣ (овернайт) - меъёри бозтамвил +3 банди фоизӣ
    • Меъёри фоизи амонати
      шабонарӯзӣ (овернайт) - меъёри бозтамвил -3 банди фоизӣ
    • Меъёри захираҳои
      ҳатмӣ бо пули миллӣ3,0
    • Меъёри захираҳои
      ҳатмӣ бо асъори хориҷӣ9,0
    • Меъёри миёнавазни коғазҳои
      қиматноки БМТ (феврал)5,08%
  • Меъёри фоизӣ дар соли 2024
  • Меъёри фоизи миёнавазни пасандозҳои муҳлатнок бо пули миллӣ (январ - феврал)
    12,57 %
  • Меъёри фоизи миёнавазни қарзҳо бо пули миллӣ (январ - феврал)
    23,06 %
  • Меъёри фоизи миёнавазни қарзҳои байнибонкӣ бо пули миллӣ (январ - феврал)
    13,00%
  • Меъёри фоизи миёнавазни қарзҳои ипотекии манзилӣ бо пули миллӣ (феврал)
    20,74%
  • Меъёри фоизи миёнавазни қарзҳои маишию истеъмолӣ бо пули миллӣ (феврал)
    23,71%




  • Нархномаи ҳаррӯзаи сабикаҳои ченакии тиллои БМТ

Сана: 29.03.2024

Ҳаҷми сабикаҳо,
гр
Нархи бозхарид,
сомонӣ
Нархи фуруш,
сомонӣ
5 3988.08 4068.64
10 7856.66 8015.38
20 15579.86 15894.60
50 38720.29 39502.52
100 77321.22 78883.26

  • Телефонҳо барои гирифтани маълумот оид ба сабикаҳо:
    44-600-32-77, 44-600-32-48

  • Тақвими ахбор
  •       Июл      

    Д С Ч П Ҷ Ш Я
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31 1 2 3 4
  • Яндекс.Метрика

Ҷаласаи 5-уми Шӯрои машваратӣ оид ба фаъолияти аудитории хадамоти аудити дохилии бонкҳои марказии (миллии) кишварҳои иштирокдори Иттиҳоди Иқтисодии АврОсиё

30.04.2018

Рӯзҳои 24-26 апрели соли равон дар Маркази таълимии Бонки миллии Тоҷикистон дар шаҳри Гулистон ҷаласаи 5-уми Шӯрои машваратӣ оид ба фаъолияти аудитории хадамоти аудити дохилии бонкҳои марказии (миллии) кишварҳои иштирокдори Иттиҳоди Иқтисодии АврОсиё баргузор шуд.

Ҷаласаро Директори Департаменти аудити дохилии Бонки миллии Тоҷикистон Абибуллоев Н. ифтитоҳ намуда, меҳмононро ба кишвари азизи мо хайрамақдам гуфт ва изҳор дошт, ки бо Қарори Шӯрои машваратӣ оид ба фаъолияти аудитории бонкҳои марказӣ (миллӣ) имсол ҷаласаи панҷуми Шӯро дар Ҷумҳурии Тоҷикистон баргузор шуда истодааст ва дар ҷараёни кори ҷаласа якчанд масъалаҳо мавриди баррасӣ қарор дода мешаванд.

DSC_0049.JPG

Сипас, Муовини Раиси Бонки миллии Тоҷикистон Салимова Л.Ҷ. расман аз номи роҳбарияти Бонки миллии Тоҷикистон ба аъзоёни Шӯрои машваратӣ барои ташриф ва иштирокашон дар ҷаласа изҳори сипос намуда, дар кори ҷаласа барору комёбӣ орзу намуд. Ҳамзамон иброз дошт, ки умедворам фаъолияти Шӯрои машваратӣ дар рушду тавсеаи ҳамкориҳои мутақобила, таҳияву такмили санадҳои меъёрии ҳуқуқӣ ва баланд бардоштани малакаюу тахассуси аудиторони бонкҳои марказии кишварҳои иштирокдор саҳми босазо хоҳад гузошт. Итминони комил дорам, ки ин ҷаласа дар самти мубодилаи таҷриба миёни иштирокчиён нақши муҳиму муассир мегузорад ва баҳри такмилу пешрафти фаъолияти аудиторони дохилии бонкҳои марказии (миллии) кишварҳои аъзои Иттиҳоди Иқтисодии АврОсиё таҳрику такони нав мебахшад.

Дар ҷаласаи мазкур шаш нафар аъзои Шӯрои машваратӣ - Сараудитори Бонки Марказии Федератсияи Русия Горегляд Валерий Павлович, сардори Сарраёсати аудити дохилии Бонки миллии Ҷумҳурии Беларус Батуритская Татяна Сигизмундовна, роҳбари Хадамоти аудити дохилии Бонки марказии Ҷумҳурии Арманистон Чалабян Ара Мкртичевич, роҳбари Хадамоти аудити дохилии Бонки миллии Ҷумҳурии Қирғизистон Шаршенова Бюбюмариям Валибековна, муовини директори Департаменти аудити дохилии Бонки миллии Ҷумҳурии Қазоқистон Ахметова Раушан Кенжебековна ва директори Департаменти аудити дохилии Бонки миллии Тоҷикистон Абибуллоев Назулло, дигар намояндагони хадамоти аудити дохилии бонкҳои марказии (миллии) мазкур ва инчунин мутахассисони Идораи низоми пардохти Бонки миллии Тоҷикистон ва Шуъбаи минтақавии Бонки миллии Тоҷикистон дар шаҳри Хуҷанд ширкат варзиданд.

Қобили тазаккур аст, ки имсол намояндагони Бонки Рушди Осиё низ хоҳиш намуданд дар ҷаласаи Шӯрои машваратӣ иштирок намоянд ва бо дастгирию ризояти аъзои Шӯро дар кори ҷаласа Сараудитори Бонки Рушди Осиё Ҳок Чай Онг ва аудитори Бонки мазкур Мочинова Надежда Александровна ширкат варзида, роҷеъ ба мавзӯи “Ташаббусҳои Бонки Рушди Осиё оид ба рушди иқтидори бахши давлатӣ дар соҳаи аудит” маърӯзаи худро манзур намуданд, ки ин ибтикор боиси боз ҳам тавсеа ёфтани доираи иштирокчиён ва ҷолибтар гаштани ин чорабинии муҳим гардид.

DSC_0078.JPG

Тибқи барномаи Шӯрои машваратӣ, дар ҷараёни кори ҷаласа масъалаҳои зерин мавриди баррасию муҳокима қарор дода шуданд:

  • табодули таҷрибаи бонкҳои марказӣ (миллӣ) оид ба масъалаҳои аудити идоракунии фаъолияти низоми пардохт ва назорат аз рӯи он;
  • табодули таҷрибаи бонкҳои марказӣ (миллӣ) оид ба аудити идоракунии раванди таъмини муомилоти пули нақд ва ҳамлу нақли пули нақд;
  • табодули таҷрибаи бонкҳои марказӣ (миллӣ) оид ба гузаронидани баҳодиҳии дохилӣ ва берунии сифати фаъолияти аудити дохилӣ;
  • табодули таҷриба оид ба хизматрасонии машваратӣ аз ҷониби хадамоти аудити дохилии бонкҳои марказӣ (миллӣ);
  • табодули таҷрибаи бонкҳои марказӣ (миллӣ) оид ба истифодаи таъминоти барномавӣ бо мақсади автоматисозии фаъолияти аудити дохилӣ.

Марбут ба мавзӯъҳои номбаршуда намояндагони хадамоти аудити дохилии бонкҳои марказӣ (миллӣ) маърӯзаҳои (презентатсияҳои) худро манзур намуда, таҷрибаи худро дар самтҳои мазкур шарҳу тавзеҳ доданд ва ба саволҳои ҳозирин посух доданд.

Дар баробари ин, дар ҷараёни ҷаласа масъалаҳои дигари ташкилию маъмурӣ низ баррасӣ гардида, қарорҳои дахлдор қабул карда шуданд.

Дар маҷмӯъ ташкилу баргузорӣ ва натиҷаҳои ҷаласаи мазкурро иштирокдорони Шӯрои машваратӣ дар сатҳи баланд арзёбӣ намуданд.

Шуъбаи матбуоти БМТ


Диданд: 2461

Бозгашт


  • prezident

    Имрӯз фурсате расидааст, ки ба қадри яке аз рамзҳои давлатдорӣ – пули миллӣ бирасем, ифтихор намоем ва ба он эҳтиром гузорем.
    Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон



x
Сатҳи таваррум %
Таваррум
Таварруми аслӣ