Дар моҳҳои январ-декабри соли 2024 дар қаламрави ҷумҳурӣ тавассути роҳҳои гуногуни ҳисоббаробаркунӣ (дохилибонкӣ, тавассути муносибатҳои мустақими муросилотӣ ва тавассути суратҳисоби муросилотии дар Бонки миллии Тоҷикистон кушодашуда) 682,2 млн пардохтҳо ба маблағи 2 579,4 млрд сомонӣ анҷом дода шуданд. Шумораи пардохтҳо нисбат ба ҳамин давраи соли гузашта 72,3 фоиз ва ҳаҷми пардохтҳо 51,2 фоиз афзоиш ёфтанд.

Дар давоми моҳҳои январ-декабри соли 2024 аз ҷониби ташкилотҳои қарзии молиявӣ барои муштариён 14,1 млн адад суратҳисобҳои бонкӣ кушода шудаанд, ки аз онҳо 0,14 млн адад суратҳисобҳо ба шахсони ҳуқуқӣ ва 14,0 млн адад суратҳисобҳо ба шахсони воқеӣ тааллуқ доранд. Шумораи суратҳисобҳои бонкии муштариён дар ташкилотҳои қарзии молиявӣ нисбат ба ҳамин санаи соли гузашта 2,9 млн адад ё 25,9 фоиз афзудааст, ки нишондиҳандаи мазкур аз боло рафтани эътимоди мардум ба низоми бонкии кишвар шаҳодат медиҳад.