- Нишондиҳандаҳои макроиқтисодӣ дар соли 2024
- Таваррум дар моҳи феврал0,3%
- 3,6%
- Пулҳои захиравӣ (феврал) млрд. сомонӣ36,2
- Нишондиҳандаи мақсадноки таваррум барои давраи миёнамуҳлат6% (±2)
- Меъёрҳои фоизии сиёсати пулӣ
(% солона) - Меъёри бозтамвил
(аз 12 феврали с.2024)9,5 - Меъёри фоизи қарзи
шабонарӯзӣ (овернайт) - меъёри бозтамвил +3 банди фоизӣ - Меъёри фоизи амонати
шабонарӯзӣ (овернайт) - меъёри бозтамвил -3 банди фоизӣ - Меъёри захираҳои
ҳатмӣ бо пули миллӣ3,0 - Меъёри захираҳои
ҳатмӣ бо асъори хориҷӣ9,0 - Меъёри миёнавазни коғазҳои
қиматноки БМТ (феврал)5,08%
- Меъёри фоизӣ дар соли 2024
- Меъёри фоизи миёнавазни пасандозҳои муҳлатнок бо пули миллӣ (январ - феврал)12,57 %
- Меъёри фоизи миёнавазни қарзҳо бо пули миллӣ (январ - феврал)23,06 %
- Меъёри фоизи миёнавазни қарзҳои байнибонкӣ бо пули миллӣ (январ - феврал)13,00%
- Меъёри фоизи миёнавазни қарзҳои ипотекии манзилӣ бо пули миллӣ (феврал)20,74%
- Меъёри фоизи миёнавазни қарзҳои маишию истеъмолӣ бо пули миллӣ (феврал)23,71%
- Қурби расмии асъор нисбат ба сомонӣ
-
дар 29.03.2024 1 USD 10.9563 1 EUR 11.8186 1 RUB 0.1187
- Ҳисоботҳои молиявӣ
- Соли молиявии 2022
- Соли молиявии 2021
- Ҳисоботи молиявии солҳои гузашта
- Телефони боварии БМТ (44-600-15-20)
- Реҷаи кории телефони боварии БМТ: душанбе - ҷумъа аз 08:00 то 17:00
(Танаффуси нисфирӯзӣ: аз 11:30 то 12:30)
- Нархномаи ҳаррӯзаи сабикаҳои ченакии тиллои БМТ
-
Телефонҳо барои гирифтани маълумот оид ба сабикаҳо:
44-600-32-77, 44-600-32-48
- Тақвими ахбор
Мулоқоти Ҷамолиддин Нуралиев бо таҳлилгарони Агентии байналмилалии рейтингии “Standard & Poor’s”
19 июли соли 2018 Муовини якуми Раиси Бонки миллии Тоҷикистон Ҷамолиддин Нуралиев бо таҳлилгарони Агентии байналмилалии рейтингии “Standard & Poor’s” Тревор Куллинан ва Шоҳрух Темуров, ки барои оғози раванди интишори навбатии рейтинги кредитии соҳибихтиёрии Ҷумҳурии Тоҷикистон бо сафари корӣ дар шаҳри Душанбе қарор доранд, мулоқоти корӣ анҷом дод.
Мулоқотро нахуст Муовини якуми Раиси Бонки миллии Тоҷикистон Ҷамолиддин Нуралиев ҳусни ифтитоҳ бахшида, оид ба вазъи нишондиҳандаҳои асосии макроиқтисодии мамлакат ва тамоюли рушд дар самтҳои муҳимми он дар се соли охир (2015-2018) маълумоти мушаххас дод. Ҷамолиддин Нуралиев таваҷҷуҳи намояндагони Агентии “Standard & Poor’s”-ро ба пешбурди сиёсати иқтисодии мамлакат, идоракунии захираҳои байналмилалӣ, татбиқи босамари сиёсати пулию қарзӣ, сиёсати фискалӣ ва қарзи берунаи давлатӣ, бозори коғазҳои қиматнок, барориши евробондҳо бо ҷалби сармояи хориҷӣ, рушди бахши воқеии иқтисодиёт, таъмини суботи молиявӣ, вазъи низоми бонкии кишвар, татбиқи ислоҳот дар ин самт ва тадбирҳои минбаъда ҷалб намуд. Аз ҷумла таъкид гардид, ки дар натиҷаи андешидани як қатор тадбирҳои судманд дар ин давра, Ҷумҳурии Тоҷикистон дар муқоиса ба кишварҳои минтақа ба дастовардҳои назаррас ноил гардидааст.
Муовини якуми Раиси Бонки миллии Тоҷикистон Ҷамолиддин Нуралиев махсусан таъкид кард, ки зимни истифодаи индикаторҳои рейтингӣ ба инобат гирифтани раванди тамоюли рушд дар бахшҳои муҳимми иқтисодиёт бо мақсади муайян кардани эътибору нуфузи кишвар нақши назаррас дорад.
Дар идома, аз ҷониби коршиноси Агентии байналмилалии рейтингии “Standard & Poor’s” Тревор Куллинан методологияи гузаронидани рейтинг ва омилҳои асосии муайянкунии он, аз ҷумла аз рӯи нишондиҳандаҳои суботи молиявӣ, сиёсати фискалӣ, сиёсати пулию қарзӣ, низоми бонкӣ, сатҳи некуаҳолӣ ва нишондиҳандаҳои қарзи давлатӣ маълумот дода шуд. Тревор Куллинан аз ҷумла иброз дошт, ки ҳадафи асосии онҳо таҳлил намудани нишондиҳандаҳои иқтисодию молиявӣ аз рӯи маълумотҳои оморӣ ва иттилоотӣ, бо назардошти дигар нишондиҳандаҳои макроиқтисодӣ истифода мегарданд.
Дар хотима Муовини якуми Раиси Бонки миллии Тоҷикистон Ҷамолиддин Нуралиев аз ҳамкорӣ бо Агентии мазкур изҳори қаноатмандӣ намуда, барои шаффоф, дақиқ ва дар такя ба маълумотҳои асоснок бо назардошти тамоюли рушд дар самтҳои муваффақ таҳия шудани рейтинги Ҷумҳурии Тоҷикистон изҳори боварӣ кард.
Бояд қайд кард, ки дар робита ба муқаррароти Протоколи ҷаласаи XIII-уми Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ аз 30 майи соли 2014 таҳти №1с/22-3, Бонки миллии Тоҷикистон ҷиҳати гузаронидани раванди интишори рейтинги кредитии соҳибихтиёрии Ҷумҳурии Тоҷикистон вазифадор гардидааст.
Раванди интишори рейтинги кредитии соҳибихтиёрии Ҷумҳурии Тоҷикистон аз ҷониби Бонки миллии Тоҷикистон ҳамасола пайгирӣ мегардад ва барои интишор намудани рейтинги навбатӣ ҳамкориҳои дуҷониба бо Агентии байналмилалии рейтингии “Standard & Poor’s”, ки яке аз агентиҳои бонуфузи байналмилалии панҷгонаи ҷаҳон ба ҳисоб меравад, тибқи созишномаи тарафайн ба роҳ монда шудааст. Дар асоси ин созишнома, Агентии “Standard & Poor’s” вазъи иқтисодӣ ва масоили амнияти иқтисодии кишварро баҳогузорӣ менамояд, ки гузоришҳои таҳлилии он барои рейтинги кишвар дар ҷалби сармояи хориҷӣ ва дигар омилҳои муҳим, яъне дастрасӣ ба бозорҳои молиявии ҷаҳон мусоидат хоҳад кард.
Ёдовар мешавем, ки Агентии байналмилалии рейтингии “Standard & Poor’s” дар баробари баҳогузории хавфҳои қарзӣ, инчунин рейтинги бозори қарзӣ, молиявӣ ва маълумоти расмиро таъмин намуда, маводҳои таҳлилӣ ва иттилоотиро ба нашр мерасонад.
Мувофиқи нақша, коршиносони Агентии байналмилалии рейтингии “Standard & Poor’s” зимни сафари худ бо роҳбарияти як қатор вазорату идораҳои кишвар, аз ҷумла Бонки миллии Тоҷикистон, Вазорати молияи Ҷумҳурии Тоҷикистон, намояндагиҳои ташкилотҳои молиявии байналмилалӣ мулоқоту машваратҳо доир намуда, ҷиҳати баҳогузорӣ намудани рейтинги кишварро баррасӣ менамоянд.
Шуъбаи матбуоти БМТ
Диданд: 2892
-
Имрӯз фурсате расидааст, ки ба қадри яке аз рамзҳои давлатдорӣ – пули миллӣ бирасем, ифтихор намоем ва ба он эҳтиром гузорем.
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон
- Шуъбаи матбуот
- Ахбор
- Нашрия ва интишорот
- Суолҳои бештар пешниҳодшаванда
- Шарҳи интишорот
- Видео ва Аудио
- Заминаи меъёрии ҳуқуқӣ
- Санадҳои меъёрии ҳуқуқӣ оид ба қонунигардонии маблағҳо
- Қонунҳои соҳаи бонкӣ
- Санадҳои меъёрии ҳуқуқии БМТ
- Қонунҳо ва санадҳои меъёрии ҳуқуқии соҳаи суғурта
- Санадҳои меъёрии ҳуқуқии БМТ оид ба бонкдории исломӣ
- Дигар санадҳо
- Лоиҳаи санадҳои меъёрии ҳуқуқии БМТ
- Стратегияи БМТ