15 майи соли равон муовини раиси Бонки миллии Тоҷикистон Икромӣ С.С. бо ҳайати Корхонаи давлатии сикказании Бонки миллии Ҷумҳурии Қазоқистон, таҳти роҳбарии директори генералии корхона Транов А.Ю. мулоқот анҷом дод.
![NBTL1044-min[1].JPG](/upload/medialibrary/5d8/4ld8qf9bbarjfcrd61uy76gltp75kbm3/NBTL1044-min[1].JPG "NBTL1044-min[1].JPG")
Дар доираи вохӯрӣ ҷонибҳо вобаста ба вазъи кунунии муносибатҳо ва дурнамои ҳамкориҳои дуҷонибаи судманд андешаҳои худро баён намуда, омодагии хешро ҷиҳати тақвияти ҳамкории минбаъда иброз доштанд.
Ҳайати меҳмонон дар идомаи мулоқот имкониятҳои нави технологии Корхонаи давлатии сикказании Бонки миллии Ҷумҳурии Қазоқистонро дар шакли рӯнамо муаррифӣ намуда, хизматрасониҳои ҷадиди худро пешниҳод карданд.
Маврид ба зикр аст, ки Корхонаи давлатии сикказании Бонки миллии Ҷумҳурии Қазоқистон яке аз шарикони боэътимод дар самти сикказании тангаҳо ба шумор рафта, аз ҷумлаи корхонаҳои муосир дар ин самт мебошад.
Шуъбаи матбуоти БМТ
Диданд: 6368
16.05.2024
