Бойгонии ахбор
21.07.2015
Ҳаҷми маҷмӯи маҳсулоти дохила (ММД) дар ин давра ба 19,2 млрд. сомонӣ расида, суръати рушди воқеии он 6,4 фоизро ташкил намуд. Рушди бештар дар бахшҳои асосии иқтисодиёти кишвар аз ҷумла, сохтмон 41,4 фоиз, саноат 14,9 фоиз, гардиши савдои чакана 10,9 фоиз ва истеҳсоли маҳсулоти кишоварзӣ 6,9 фоиз ба қайд гирифта шуд.
ММД аз рӯи соҳаҳо (бо фоиз, нисбати давра)
Дар моҳҳои январ-июни соли равон сатҳи таваррум 2,6 фоизро ташкил дод, ки дар муқоиса ба ҳамин давраи соли гузашта 1,9 банди фоизӣ кам мебошад. Дар шароити буҳрони молиявию иқтисодӣ, коҳишёбии талаботи дохилӣ ба паст гардидани сатҳи таваррум дар кишвар мусоидат намуд. Таварруми ҳосилшуда асосан аз ҳисоби болоравии нархи маҳсулоти хӯрокворӣ 3,1 фоиз, хизматрасонии пулакӣ 2,8 фоиз ва маҳсулоти ғайрихӯрокворӣ 1,7 фоиз ба вуқуъ пайваст. Ҳамзамон, сатҳи таварруми солона (барои 12 моҳи охир) 5,5 фоизро ташкил дода, нисбат ба ҳамин давраи соли гузашта 1,1 банди фоизӣ кам мебошад.
Тибқи ҳисобҳои Бонки миллии Тоҷикистон сатҳи таварруми аслӣ, ки ҳамчун инъикоскунандаи таъсири омилҳои монетарӣ ба сатҳи нархҳо баромад менамояд, дар ин давра бо нишондоди манфӣ ҷамъбаст гардида -0,4 фоизро ташкил дод, ки дар муқоиса ба ҳамин давраи соли гузашта 2,8 банди фоизӣ кам мебошад.
Дар давраи баррасишаванда раванди коҳишёбии нархи маҳсулотҳои истеҳсоли ватанӣ (картошка 39,9 фоиз, пиёз 47,3 фоиз, гӯшти гов 4,3 фоиз, гӯшти гӯсфанд 1,4 фоиз, асал 3,8 фоиз, шир 8,3 фоиз, тухм 3,6 фоиз, нахӯд 0,4 фоиз, помидор 68,1 фоиз, бодиринг 70,3 фоиз, ангишт 14,3 фоиз, хишти пухта 8,7 фоиз, семент 1,0 фоиз) ба сатҳи таварруми аслӣ замина гузошт.
Таваррум ва таварруми аслӣ (тағйирёбии моҳона)
Хадамоти матбуоти
БМТ
Тамоили нишондиҳандаҳои асосии макроиқтисодии кишвар дар моҳҳои январ-июни соли 2015
Дар давоми нимсолаи якуми соли 2015 ноустувории нарх дар бозорҳои ҷаҳонии ашё, хавфҳои молиявӣ ва низоъҳои геосиёсӣ ба суръати рушди иқтисодиёти ҷаҳон таъсири манфии худро расонид. Дар натиҷа ноустувории нишондиҳандаҳои макроиқтисодӣ ва молиявӣ дар аксар кишварҳои ҷаҳон мушоҳида гардид. Сарфи назар аз ин тағйирёбиҳо, раванди рушди иқтисодиёти кишвар дар давраи баррасишаванда тамоили нисбатан муътадилро соҳиб гардид.Ҳаҷми маҷмӯи маҳсулоти дохила (ММД) дар ин давра ба 19,2 млрд. сомонӣ расида, суръати рушди воқеии он 6,4 фоизро ташкил намуд. Рушди бештар дар бахшҳои асосии иқтисодиёти кишвар аз ҷумла, сохтмон 41,4 фоиз, саноат 14,9 фоиз, гардиши савдои чакана 10,9 фоиз ва истеҳсоли маҳсулоти кишоварзӣ 6,9 фоиз ба қайд гирифта шуд.
ММД аз рӯи соҳаҳо (бо фоиз, нисбати давра)
Дар моҳҳои январ-июни соли равон сатҳи таваррум 2,6 фоизро ташкил дод, ки дар муқоиса ба ҳамин давраи соли гузашта 1,9 банди фоизӣ кам мебошад. Дар шароити буҳрони молиявию иқтисодӣ, коҳишёбии талаботи дохилӣ ба паст гардидани сатҳи таваррум дар кишвар мусоидат намуд. Таварруми ҳосилшуда асосан аз ҳисоби болоравии нархи маҳсулоти хӯрокворӣ 3,1 фоиз, хизматрасонии пулакӣ 2,8 фоиз ва маҳсулоти ғайрихӯрокворӣ 1,7 фоиз ба вуқуъ пайваст. Ҳамзамон, сатҳи таварруми солона (барои 12 моҳи охир) 5,5 фоизро ташкил дода, нисбат ба ҳамин давраи соли гузашта 1,1 банди фоизӣ кам мебошад.
Тибқи ҳисобҳои Бонки миллии Тоҷикистон сатҳи таварруми аслӣ, ки ҳамчун инъикоскунандаи таъсири омилҳои монетарӣ ба сатҳи нархҳо баромад менамояд, дар ин давра бо нишондоди манфӣ ҷамъбаст гардида -0,4 фоизро ташкил дод, ки дар муқоиса ба ҳамин давраи соли гузашта 2,8 банди фоизӣ кам мебошад.
Дар давраи баррасишаванда раванди коҳишёбии нархи маҳсулотҳои истеҳсоли ватанӣ (картошка 39,9 фоиз, пиёз 47,3 фоиз, гӯшти гов 4,3 фоиз, гӯшти гӯсфанд 1,4 фоиз, асал 3,8 фоиз, шир 8,3 фоиз, тухм 3,6 фоиз, нахӯд 0,4 фоиз, помидор 68,1 фоиз, бодиринг 70,3 фоиз, ангишт 14,3 фоиз, хишти пухта 8,7 фоиз, семент 1,0 фоиз) ба сатҳи таварруми аслӣ замина гузошт.
Таваррум ва таварруми аслӣ (тағйирёбии моҳона)
Хадамоти матбуоти
БМТ