Дархост барои изҳори иштирок

(ХИЗМАТРАСОНИИ МАШВАРАТӢ)

Ҷумҳурии Тоҷикистон
Лоиҳаи қарзӣ ва кӯмаки техникӣ
“Маблағгузории хурд дар Ҷумҳурии Тоҷикистон”

Сармоягузории лоиҳаҳои маблағгузории хурд
Хизматрасонии машваратии
Лоиҳаи No.: TAD – 0046&0047

Бонки миллии Тоҷикистон аз Бонки Исломии Рушд барои амалӣ намудани лоиҳаи қарзӣ ва кӯмаки техникӣ “Маблағгузории хурд дар Ҷумҳурии Тоҷикистон” маблағ гирифт ва мехоҳад як қисми ин маблағро барои хизматрасонии машваратӣ сарф намояд. Хизматрасонӣ аз гузаронидани санҷиши аудитории ҳисоботи молиявии лоиҳа ва таҳияи ҳисоботи санҷиши аудиторӣ иборат мебошад. Хоҳишмандем ба Огоҳиномаи умумии лоиҳаи мазкур дар бораи харид, ки дар сомонаҳои Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Бонки миллии Тоҷикистон аз 22 августи соли 2016 нашр мегардад, истинод намоед.

Ба ин васила, Бонки миллии Тоҷикистон ширкатҳои машваратии дахлдорро барои иштирок дар хизматрасонӣ даъват менамояд.

Ширкатҳои машваратие, ки барои гузаронидани санҷиши аудиторӣ, таҳияи ҳисоботи аудитории ақаллан як лоиҳаи аз ҷониби бонкҳои рушди бисёрҷониба ё ташкилотҳои байналмилалӣ маблағгузоришуда таҷриба доранд, метавонанд дар хусуси аз уҳдаи иҷрои ин навъи хизматрасонӣ баромадашон (брошюраҳо, тавсифи вазифаҳои монанд, таҷриба дар чунин шароит, доштани малакаи дахлдор дар байни кормандон ва ғ.) маълумот пешниҳод намоянд.

Мушовирон метавонад барои такмили тахассуси худ ба ҳамдигар шарик шаванд ва шакли мушаххаси ягон иттиҳодияро (ширкати муштарак ё мушовири фаръӣ) [инчунин хусусияти фаъолияти худ (мақсадҳои тиҷоратӣ ё бе даромад)] нишон диҳанд.
Мушовир мутобиқи тартибе, ки дар “Роҳнамо барои мушовирон дар доираи маблағгузории БИР” муқаррар шудааст (нашри ҷорӣ), интихоб мегардад.

Мушовирони довталаб метавонанд маълумоти заруриро бо нишонии зерин аз соати 09:00 то 16:00 (вақти маҳаллӣ) дастрас намоянд. Дархост барои иштирок бояд ба нишонии зерин то санаи 20 сентябри соли 2016 пешниҳод карда шавад.

Бонки миллии Тоҷикистон
Азиз Холбобоев, Сардори Идораи муносибатҳои байналмилалӣ,
734003, Ҷумҳурии Тоҷикистон, Душанбе, х. Рӯдакӣ 107A, ошёнаи 3
Tel: (992 44) 600 32 82
Fax: (992 44) 600 3137
E-mail: A.Kholboboev@nbt.tj; N_Salikhova@nbt.tj
Web site: www. nbt.tj