Маълумот оид ба озмуни “Нозири мувофиқаи (комплаенс) соли 2016 дар самти МҚД/МТ миёни ташкилотҳои қарзӣ” дар БМТ

Бо дастгирии Роҳбарияти Бонки миллии Тоҷикистон ва саҳми Департаменти мониторинги молиявӣ 16 – 17 марти соли 2017 дар бинои Бонки миллии Тоҷикистон озмуни “Нозири мувофиқаи (комплаенс) соли 2016 дар самти муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм миёни ташкилотҳои қарзӣ” баргузор гардид.

Мақсад аз баргузории озмуни мазкур пешравӣ ва рушди соҳаи муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм, аз ҷумла баҳогузории фаъолияти кормандони мутасаддии ташкилотҳои қарзӣ (комплаенс) дар ин самт ба ҳисоб меравад.

Дар рафти озмун довталабон нахуст бо аъзоёни Комиссия шинос гардида, каме дар бораи фаъолияти хеш дар ин самт сухан ронданд. Дар натиҷа, онҳо аз ҷониби аъзоёни Комиссияи баҳодиҳӣ тибқи посухҳои Саволнома (Анкета) ва мусоҳиба (саволҳо дар самти муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм) чунин баҳогузорӣ карда шуданд:

• Ҷои 1-ум - довталаб аз ҶСК “АксесБонк Тоҷикистон” Абдухаликова Сабина Уктамовна – нозири мувофиқа;
• Ҷои 2-юм - довталаб аз ҶСК “Бонки Эсхата”Раҷабов Диловар Ғайратҷонович - роҳбари қисми мониторинги молиявии Департаменти хавфҳои бонкӣ;
• Ҷои 3-юм - довталаб аз БДА ҶТ “Амонатбонк” Ваҳобов Ҳусейн Абдураҳимович – мутахассиси дараҷаи II-и Хадамоти мониторинги молиявӣ.

Дар ҷамъбаст ба ғолибон Ифтихорнома ва ба иштирокчиёни боқимонда Сертификат барои иштирок дар озмун супорида шуд.

Рӯйхати иштирокчиёни озмун аз ташкилотҳои қарзӣ: