ДАЪВАТНОМА ДАР БОРАИ ХАРИДИ МАХСУС

Ҷумҳурии Тоҷикистон
Лоиҳаи Баланд бардоштани рақобатпазирии бахши хусусӣ
Таҳвил, насб ва татбиқи Низоми автоматишудаи байнибонкии интиқоли маблағҳо (ATS +), интиқоли фаврии маблағҳо (IFT), интиқолҳои пулӣ ва амонатгоҳи марказии коғазҳои қиматнок (CSD)
Гранти № H7710- TJ
Рақами мушаххаси лоиҳа №P130091
Шартнома /Пешниҳоди харид № PSCP.ICB.G.3

Ҷумҳурии Тоҷикистон аз Ассотсиатсияи байналмилалии рушд барои пӯшонидани хароҷоти лоиҳаи “Баланд бардоштани рақобатпазирии бахши хусусӣ” грант дарёфт намуд ва мехоҳад як ҳиссаи онро барои пардохти маблағи шартномаи таҳвил, насб ва татбиқи Низоми автоматишудаи байнибонкии интиқоли маблағҳо (ATS +), интиқоли фаврии маблағҳо (IFT), интиқолҳои пулӣ ва амонатгоҳи марказии коғазҳои қиматнок (CSD) истифода намояд. Бонки миллии Тоҷикистон, ки татбиқкунандаи як қисмати лоиҳаро амалӣ менамояд, бо ин мақсад эълон менамояд, ки довталабони салоҳиятдор метавонанд барои иштирок дар тендер ҷиҳати таҳвил, насб ва татбиқи Низоми автоматишудаи байнибонкии интиқоли маблағҳо (ATS +), интиқоли фаврии маблағҳо (IFT), интиқолҳои пулӣ ва амонатгоҳи марказии коғазҳои қиматнок (CSD) дар Бонки миллии Тоҷикистон дархостҳои худро пешниҳод намоянд.

Озмуни харид дар доираи расмиёти савдои озмунии байналмилалӣ, ки дар Раҳнамои Бонки Ҷаҳонӣ зикр шудааст, гузаронида мешавад: хариди мол, кор, хизматрасонии ғайримашваратӣ аз рӯи қарзҳои Бонки байналмилалии таҷдид ва рушд ва Ассотсиатсияи байналмилалии рушд аз ҷониби қарзгирони Бонки Ҷаҳонӣ (аз моҳи январи соли 2011, ки он боз моҳи июни соли 2014 бознигарӣ шудаст) “Раҳнамои харид”. Раҳнамои харид, тавре ки дар он муайян шудааст, барои ҳамаи довталабони дорои ҳуқуқи иштирок комилан дастрас мебошад.

Довталабоне, ки салоҳият ва хоҳиши иштирок карданро доранд, метавонанд бо ҳуҷҷатҳои тендер дар Бонки миллии Тоҷикистон бо нишонии 1) дар поён зикршуда дар вақти корӣ аз соати 09:00 то 17:00 вақти маҳаллӣ аз рӯзи душанбе то ҷумъа шинос шуда, маълумоти иловагӣ дарёфт намоянд. Бастаи пурраи ҳуҷҷатҳои тендерро бо забони англисӣ довталабон метавонанд баъди пешниҳоди дархости хаттӣ ё тариқи почтаи электронӣ пешниҳодшуда бо нишонии дар поён зикршуда дастрас намоянд.

Ҳуҷҷатҳо тариқи почтаи электронӣ дар шакли PDF фиристода мешаванд.

1) Бонки миллии Тоҷикистон
Хиёбони Рӯдакӣ 107 А, Душанбе, Тоҷикистон, 734003
Шахси мутасаддӣ: Ҷаҳонгир Аминҷонов
E-mail: j_aminjonov@nbt.tj

Ҳамаи дархостҳо бояд ҳамзамон (кафолати бонкӣ) бо маблағи 36 000,00 ҳазор доллари ИМА ё маблағи ҳамарзиши он бо пули миллӣ ё дигар асъори озоди табдилпазир таъмин бошанд ва то соати 12:00 вақти маҳаллӣ то 12 сентябри соли 2017 ба нишонии 2) зикршуда ирсол карда шаванд. Дархостҳои пешниҳодшуда фавран дар ҳузури намояндагони иштирокдорон дар суроғаи нишондода 3) кушода мешаванд. Дархостҳое, ки баъд аз муҳлати ниҳоӣ пешниҳод шудаанд, рад карда мешаванд.

2) Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Ба: Нигина Анварӣ
Кӯчаи Шотемур 27, Душанбе, Тоҷикистон, 734000,
Қуттии дархостҳо барои тендер #2

3) Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Кӯчаи Шотемур 27, Душанбе, Тоҷикистон, 734000,
Утоқи #22
Тел: (+992 37) 2211573
Факс: (+992 37)2218384