Эълон

Оид ба ҷалби мушовири инфиродии масоили ҳуқуқӣ барои кӯмак ба Бонки миллии Тоҷикистон дар амалинамоии қисмати 4-и барномаи “Рушди инфрасохтори молиявӣ”-и лоиҳаи грантии Бонки Ҷаҳонӣ - “Баланд бардоштани рақобатнокии бахши хусусӣ”

                      Муҳлат:                                                     6-7 моҳ;

                Реҷаи кор:                                рӯзи кории пурра (дар хона/дар идора);

Маълумоти умумӣ:

Ҷумҳурии Тоҷикистон аз Бонки Ҷаҳонӣ дар доираи лоиҳаи «Баланд бардоштани рақобатнокии бахши хусусӣ» грант дарёфт намуд ва мехоҳад як ҳиссаи маблағи онро барои пардохти хизматрасониҳо истифода намояд.

Бонки миллии Тоҷикистон ҳамчун мақоми ваколатдори татбиқи қисмати 4-и барномаи "Беҳтар намудани инфрасохтори молиявӣ" мехоҳад мушовири инфиродии масоили ҳуқуқиро барои кӯмак ба Бонки миллии Тоҷикистон дар раванди такмили қонунгузории соҳаи танзим ва назорати бонкӣ, ки аз тарафи мушовирони байналмилали дар доираи лоиҳаи зикргардида таҳия шудааст, ба кор ҷалб намояд. Мушовир бояд лоиҳаи ниҳоии санадҳои меъёрӣ-ҳуқуқиро таҳия намуда, ба Бонки миллии Тоҷикистон дар рафти татбиқи онҳо кӯмак расонад.

Вазифаҳо:

• Гузаронидани экспертизаи муфассали ҳуқуқии ҳуҷҷатҳои омодагашта, ба монанди лоиҳаи тағйиру иловаҳо ба қонунҳои соҳаи бонкӣ ва дигар санадҳои меъёрӣ, ба ҳолати ниҳоӣ овардани онҳо барои қабул ва бақайдгирии давлатии минбаъда;
• Ба тасвияи ҳуқуқӣ ва ба тарзу усулҳои ба қонунгузории бонкии Ҷумҳурии Тоҷикистон хос мутобиқ намудани тағйиру иловаҳо ба санадҳои меъёрӣ-ҳуқуқӣ, ки дар асоси таҷрибаи байналмилалӣ пешниҳод шудаанд, инчунин ҷустуҷӯ ва истифодаи истилоҳоту мафҳумҳои ҳуқуқии муносиб, бо ҳатман нигоҳ доштани моҳияту мазмуни ҳуҷҷатҳои пешниҳодшаванда;
• Ворид кардани тағйироти зарурӣ ба ҳуҷҷатҳои пешниҳодгардида бо мақсади таъмини мувофиқати онҳо ба қонунгузории Ҷумҳурии Тоҷикистон, бо ҳатман нигоҳ доштани моҳияту мазмуни ҳуҷҷатҳои пешниҳодшаванда;
• Дастгирии БМТ дар раванди татбиқ: омода кардани таклифҳо ва дигар ҳуҷҷатҳои зарурии иловагӣ, пешниҳод кардани онҳо ба мақомоти давлатӣ/ҳукумат/парламент;
• Дар ҷараёни омода ва қабул кардани ҳуҷҷатҳо, мушовир бо мутахассисони гуруҳи кории БМТ бояд мулоҳизаю эродҳои воҳидҳои сохтории БМТ, мақомоти давлатӣ ва парламентро дида барояд. Дар сурати қобили қабул будани эроду мулоҳизаҳои мазкур мушовир ҳуҷҷатҳои бо назардошти онҳо ислоҳшударо пешниҳод менамояд;
• Дастгирии БМТ дар пешниҳоди маълумот, шарҳҳо ва омода намудани дархостҳое, ки ба раванди татбиқи пешниҳодҳо дахл дорад;

Талабот:

• Маълумоти олии ҳуқуқӣ;
• Хуб донистани қонунгузории Ҷумҳурии Тоҷикистон, хусусан санадҳои меъёрӣ ва ҳуқуқии бонкӣ;
• Собиқаи кории на камтра аз панҷ солаи ҳуқуқшиносӣ дар соҳаи бонкӣ;
• Маҳорати тадқиқоти истилоҳшиносӣ, дақиқ муайян кардан ва донистани истифодаи бамавриди истилоҳоту мафҳумҳои соҳаи ҳуқуқ ва молия;
• Донистани тартиб ва доштани таҷрибаи ба қонунгузорӣ ворид кардани тағйиру иловаҳо, таҷрибаи ҷорӣ кардани санадҳои меъёрӣ-ҳуқуқӣ афзалият дорад;
• Ташаббускорӣ, мустақилӣ ва қобилияти ташкилотчигӣ ва роҳбарӣ.

Талаботи иловагӣ:

• Донистани забони англисӣ ва малакаи кор бо ҳуҷҷатҳои соҳаи ҳуқуқ бо забони англисӣ;

Довталабон муносиб барои тафтиши маълумоти пурсишнома (CV) ва суҳбат таклиф карда мешаванд.

Ҳамаи хоҳишмандон метавонанд CV-и худро тариқи почтаи электронӣ (бо нишон додани дар мавзӯи мактуб: “Мушовири инфиродии масоили ҳуқуқӣ” ва Ному насаб) ба унвони дар поён зикргардида то 20-уми сентябри соли 2017 ирсол намоянд.

Бонки миллии Тоҷикистон
Хиёбони Рӯдакӣ, 107А
ш. Душанбе, Ҷумҳурии Тоҷикистон, 734003
e-mail: pscp@nbt.tj
Лоиҳаи Баланд бардоштани рақобатнокии бахши хусусӣ
Лоиҳаи № P130091