Эълон

Оид ба ҷалби тарҷумони инфиродӣ барои кӯмак ба Бонки миллии Тоҷикистон дар амалинамоии қисмати 4-и барномаи “Рушди инфрасохтори молиявӣ”-и лоиҳаи грантии Бонки Ҷаҳонӣ - “Баланд бардоштани рақобатнокии бахши хусусӣ”

                      Муҳлат:                                            6-7 моҳ;
                   Реҷаи кор:                     рӯзи кории пурра (дар хона/ идора);

Маълумоти умумӣ:

Ҷумҳурии Тоҷикистон аз Бонки Ҷаҳонӣ барои рӯйпуш намудани хароҷоти лоиҳаи «Баланд бардоштани рақобатнокии бахши хусусӣ» грант дарёфт намуд ва мехоҳад як ҳиссаи маблағи онро барои пардохти хизматрасониҳои тарҷумон истифода намояд.

Бонки миллии Тоҷикистон ҳамчун мақоми ваколатдори татбиқи қисмати 4-и барномаи "Беҳтар намудан инфрасохтори молиявӣ"-и лоиҳаи зикргардида мехоҳад тарҷумони инфиродиро барои тарҷумаи лоиҳаи санадҳои меъёрии ҳуқуқӣ, аз ҷумла ҳуҷҷатҳои техникӣ, ҳисоботҳои машваратӣ, созишномаҳо, ҳуҷҷатҳои тендерӣ, презентатсияҳо ва инчунин таҳрири онҳо ҷалб намояд.

Ҳуҷҷатҳо асосан аз забони англисӣ ба тоҷикӣ ва русӣ тарҷума карда мешаванд.

Вазифаҳо:

• тарҷумаи касбӣ аз забони англисӣ ба тоҷикӣ ва русӣ;
• таъмини тарҷумаи саҳеҳ ва саривақтӣ мутобиқи талаботи (стандартҳои) Бонки миллии Тоҷикистон;
• таъмини тарҷумаи аз ҷиҳати техникӣ, забонӣ ва грамматикӣ саҳеҳ, мантиқанон дуруст, ки ба таҳрири минбаъда эҳтиёҷ надошта бошад;
• ҳангоми тарҷума асосан матни умумии ҳуҷҷати аввалин нигоҳ дошта шавад.

Талабот:

• дар сатҳи олӣ донистани забонҳои давлатӣ, русӣ ва англисӣ, хусусан дар шакли хаттӣ;
• таҷрибаи тарҷумаи ҳуҷҷатҳои ҳуқуқӣ, техникӣ ва молиявӣ (таҷрибаи тарҷумаи санадҳои меъёрии ҳуқуқии бонкӣ аз забони англисӣ ба забони тоҷикӣ афзалият дорад);
• имконияти гузаронидани тадкиқоти истилоҳшиносӣ барои таъмини саҳеҳӣ ва мутобиқати маводи тарҷумашуда;

Талаботи иловагӣ:

• миқдори ниҳоии хатогӣ дар як саҳифа набояд аз 5 хатогӣ зиёд бошад.

Довталабони муносиб баъд аз санҷиши ҳуҷҷатҳои пешниҳодшуда ба суҳбат даъват карда мешаванд.

Барои баҳо додани сатҳи тахассуси номзадҳо, онҳо бояд барои пешниҳоди тавсиянома ва намунаи корҳои иҷрошуда, инчунин барои тарҷумаи ҳуҷҷатҳои ҳуқуқӣ, молиявӣ ва техникӣ дар ҳаҷми 2-3 саҳифа омода бошанд.

Аз ҳамаи довталабон хоҳиш карда мешавад, ки пурсишнома (CV) тавассути почтаи электронӣ ба суроғаи дар поён овардашуда, бо ишораи мавзӯи “Хизматрасонии тарҷума” ва ному насаб то 20-уми сентябри соли 2017 ирсол намоянд.

Бонки миллии Тоҷикистон
Хиёбони Рӯдакӣ, 107А
ш. Душанбе, Ҷумҳурии Тоҷикистон, 734003
E-mail: pscp@nbt.tj
Лоиҳаи “Баланд бардоштани рақобатнокии бахши хусусӣ”
Лоиҳаи № P130091