Бозиҳои дӯстона оид ба баскетбол

Санаи 16-уми октябри соли 2017 бахшида ба “Соли ҷавонон”, байни кормандони Бонки миллии Тоҷикистон ва Вазорати мудофиаи Ҷумҳурии Тоҷикистон бозии рафиқона оид ба баскетбол баргузор гардид. 

Дар мусобиқаи мазкур, ки дар толори Мактаби ҷумҳуриявии маҳорати олии варзишӣ оид ба намудҳои гӯштин -“Манеж” доир гардид, дастаи баскетболбозони Бонки миллии Тоҷикистон бар дастаи Вазорати мудофиаи Ҷумҳурии Тоҷикистон бо ҳисоби 79:70 ғолибият ба даст оварданд. 

Ҳадаф аз баргузории чорабинии мазкур ташвиқу тарғиб намудани тарзи ҳаёти солим байни кормандони Бонки миллии Тоҷикистон ва Вазорати мудофиаи Ҷумҳурии Тоҷикистон буда, ба ин васила таваҷҷуҳ ба беҳдошти саломатӣ, машғулиятҳои ҷисмонӣ ва намудҳои гуногуни варзиш, таҳкими дӯстӣ ва ҳамкорӣ бештар мегардад.

Шуъбаи матбуоти БМТ