Мулоқот бо намояндагони БАТР

Дар вохӯрии Муовини Раиси Бонки миллии Тоҷикистон Сироҷиддин Икромӣ, бо муовини директор вобаста ба институтҳои молиявӣ дар Осиёи Марказии Бонки аврупоии таҷдид ва рушд Артур Погосян, ки 26 январи соли 2018 баргузор гардид, масъалаҳои сатҳи ҳамкориҳои дуҷониба ва дурнамои рушди он мавриди муҳокима қарор гирифтанд.

Зимни мулоқот Муовини Раиси Бонки миллии Тоҷикистон Сироҷиддин Икромӣ оид ба нақши Намояндагии доимии Бонки аврупоии таҷдид ва рушд дар Ҷумҳурии Тоҷикистон вобаста ба беҳтар намудани сифати хизматрасониҳои қарздиҳӣ ба бахши хусусӣ, аз ҷумла тавассути ҷалби сармоягузорони институтсионалии нави хориҷӣ, ки ба сохтори сармояи бонк нигаронида шудааст, изҳори қаноатмандӣ намуд.

Дар ҷараёни суҳбати судманд муовини директор вобаста ба институтҳои молиявӣ дар Осиёи Марказии Бонки аврупоии таҷдид ва рушд Артур Погосян зикр намуд, ки барои дар сатҳи сифатан нави ҳамкории судманд ба роҳ мондани муносибатҳои дуҷонибаи судманд мусоидат хоҳад кард.

Дар вохӯрӣ инчунин, роҳбари Намояндагии доимии БАТР дар Ҷумҳурии Тоҷикистон Айтен Рустамова, сармутахассиси Департаменти институтҳои молиявии БАТР Бахтиёр Мансуров ва роҳбарони воҳидҳои сохтории БМТ иштирок намуданд.


Шуъбаи матбуоти БМТ