Мулоқоти Сироҷиддин Икромӣ бо намояндаи Бонки Ҷаҳонӣ оид ба масъалаҳои бахши хусусӣ Саид Ахтар Маҳмуд

8 феврали соли 2018, Муовини Раиси Бонки миллии Тоҷикистон Сироҷиддин Икромӣ бо гурӯҳи намояндагони Бонки Ҷаҳонӣ таҳти роҳбарии мутахассиси пешбари Бонки Ҷаҳонӣ оид ба масъалаҳои бахши хусусӣ ҷаноби Саид Ахтар Маҳмуд мулоқоти корӣ анҷом дод.

Муовини Раиси Бонки миллии Тоҷикистон Сироҷиддин Икромӣ зимни мулоқот гурӯҳи намояндагони Бонки Ҷаҳониро бо вазъи макроиқтисодӣ дар кишвар, бозори дохилии асъори хориҷӣ, чораҳои андешидаи солимгардонӣ ва ислоҳот дар низоми бонкии Ҷумҳурии Тоҷикистон шинос намуд.

Мутахассиси пешбари Бонки Ҷаҳонӣ оид ба масъалаҳои бахши хусусӣ ҷаноби Саид Ахтар Маҳмуд дар навбати худ изҳор дошт, ки ҳадаф аз мулоқоти мазкур таҳияи барномаи нави кӯмаки техникӣ ҷиҳати рушди бахши хусусӣ дар Ҷумҳурии Тоҷикистон мебошад. Зикр гардид, ки зимни таҳияи барнома ба таҳлили барномаҳои давлатӣ ва тақсимоти захираҳое, ки ба рушди бахши хусусӣ мусоидат мекунанд, таваҷҷӯҳ дода шуда, барнома дар заминаи муколама бо намояндагони Ҳукумати Ҷумҳурии Тоҷикистон вобаста ба ислоҳотҳои сохторӣ ва меъёрӣ дар бахши мазкур таҳия мегардад.

Қобили қайд аст, ки дар мулоқоти мазкур инчунин намояндагони дигари Гурӯҳи Бонки Ҷаҳонӣ, аз ҷумла, хонум Мадина Данаева, Марина Шамилова ва роҳбарони як қатор воҳидҳои сохтории Бонки миллии Тоҷикистон ширкат доштанд.