Қадрдонии кормандони БМТ бо медали 20-солагии Созмони Ҳамкориҳои Шанхай

17 сентябри соли 2021 дар Ҷумҳурии Тоҷикистон 20-умин нишасти ҷашнии сарони Шӯрои давлатҳои узви Созмони Ҳамкориҳои Шанхай, ки Ҷумҳурии Тоҷикистон ин навбат Раисии Раёсати СҲШ-ро ба уҳда дошт, таҳти Раёсати Президенти Ҷумҳурии Тоҷикистон, муҳтарам Эмомалӣ Раҳмон ва роҳбарони давлатҳои аъзои СҲШ дар сатҳи баланд ташкил ва гузаронида шуд.

Барои дар сатҳи баланди ташкилӣ доир шудани чорабинии бонуфуз ва саҳм гузоштан дар рушди СҲШ роҳбарон ва кормандони як қатор вазорату идораҳо бо пешниҳоди Ҳукумати Ҷумҳурии Тоҷикистон бо қарори Котиботи генералии Созмони Ҳамкории Шанхай бо медали 20-солагии Созмони Ҳамкориҳои Шанхай мукофотонида шуданд.

Дар ҷаласаи тантанавӣ, ки дар Бонки миллии Тоҷикистон таҳти роҳбарии Раиси Бонки миллии Тоҷикистон Ҳоким Холиқзода баргузор гардид, ба як қатор кормандони Бонки миллии Тоҷикистон медали ҷашнӣ бахшида ба 20-солагии Созмони Ҳамкориҳои Шанхай ҷиҳати саҳми арзанда доштан дар раванди рушди Созмони Ҳамкориҳои Шанхай супорида шуд.

Ҳамин тавр, бо медали ҷашнӣ муовини Раиси Бонки миллии Тоҷикистон Фирдавс Толибзода, директори Департаменти муомилоти пулӣ ва амалиёти хазинадорӣ Алиҷон Салимов, сардори Идораи муносибатҳои байналмилалӣ Зуҳро Ҳалимова, сардори Шуъбаи матбуот Мавҷуда Ҳасанова ва сардори Хадамоти ташрифоти Дастгоҳи Роҳбарияти БМТ Дилшод Ҳавлоев сарфароз гардонида шуданд.

Шуъбаи матбуот