28.07.2009

Қурби миёнаи хариду фурӯши долл. ИМА дар бозори нақдина бетағйир монд

28 июл қурби миёнаи хариду фурӯши долл. ИМА дар бахшҳои байнибонкӣ ва дохилибонкии бозор аз рӯи амалиёти гузаронидашуда, то ҳудуди 4,39-4,43 сомонӣ паст фаромад. Қурби миёнаи хариду фурӯши рубли русӣ ва евро каме тағйир ёфта, мувофиқан то 1,43 сомонӣ барои 10 рубли русӣ ва 6,20 сомонӣ барои 1 евро афзуд.  Қурби миёнаи хариду фурӯши долл. ИМА дар бозори нақдинаи ш. Душанбе умуман бетағйир монда, ба ҳисоби миёна дар ҳудуди 4,43 – 4,45 сомонӣ барои 1 долл. ИМА боқӣ монд. Қурби миёнаи хариду фурӯши рубли русӣ ва евро бошад, каме баланд шуда, ба ҳисоби миёна 1,41 сомонӣ барои 10 рубли русӣ ва 6,20 сомонӣ барои 1 евро ташкил намуд.