Афзудани пасандозҳо аз баланд шудани эътимод ва боварии аҳолӣ ба низоми бонкӣ шаҳодат медиҳад. Дар ин кор, фаъолияти босамари ташкилотҳои қарзӣ ва кафолате, ки Хазинаи суғуртаи пасандозҳои шахсони воқеӣ оид ба ҳимояи ҳуқуқ ва манфиатҳои қонунии пасандоздорон пешниҳод менамояд, нақши калон мебозад.
    Бақияи пасандозҳо дар охири моҳи марти соли равон нисбат ба ҳамин давраи соли гузашта 9,6 фоиз афзун гашт.
    Тавре таҳлили таркиби бақияи ҳаҷми пасандозҳо нишон дод, 35,6 фоиз ё 1’769,7 млн. сомониро пасандозҳои шахсони ҳуқуқӣ ва 64,4 фоиз ё 3’205,6 млн. сомониро пасандозҳои шахсони воқеӣ ташкил медиҳад.
    Дар моҳҳои январ-марти соли ҷорӣ фоизҳои миёнавазни пасандозҳо бо пули миллӣ 15,12 фоиз ва бо асъори хориҷӣ 9,88 фоизи солонаро ташкил намуданд.

Хадамоти матбуоти
БМТ